Dak Lak: Hrưn đĭ klă bruă pơƀuh hăng kiăo tui lăng gơnam pơkra rai
Thứ sáu, 07:00, 28/07/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Mơguah lơ 27/7, gơnong bruă boh thâo măi mok Dak Lak pơphun tal pơtop hrăm kiăng hrưn đĭ klă dong amăng bruă pơƀuh hăng lăi tui lăng gơnam pơkra rai brơi anom bơwih ƀong sĭ mơdrô, anom bơwih ƀong hrŏm amăng tơring čar.
Nao hrăm hrŏm hơmâo rơbêh 150 čô mơnuih lĕ ƀing mơnuih, anom bơwih ƀong sĭ mơdrô, anom bơwih ƀong hrŏm, khul grup ngă hrŏm pơkra pơjing gơnam OCOP, gơnam hiam hơdjă; ƀing wai lăng, mơnuih mă bruă mơng hơdôm anih anom mut hrŏm amăng bruă pơƀuh hăng kiăo tui lăng gơnam pơkra rai.
Ƀing kiăo tui hrăm amra črâo brơi hơdôm boh tơhnal bơdjơ̆ nao hơdôm hơnong pơkă dêh čar kơ bruă pơƀuh hăng kiăo tui lăng gơnam pơkra rai, hră pơ-ar djơ̆ tơlơi phiăn, plang pơƀuh anih pơkra rai gơnam dêh čar, plang wai lăng lăi pơthâo, anih rơkâo hră pơ-ar pơƀuh anih pơkra gơnam. Hơdôm hơdră pơƀuh anih pơkra gơnam ƀơi anom bơwih ƀong sĭ mơdrô hăng hơmâo tơlơi yak nao amăng pơjing, ngă tui bruă pơƀuh hăng kiăo tui lăng gơnam pơkra rai.
Viết bình luận