Jơlan hơdră rĭm boh să sa gơnam jai hrơi hơmâo tơlơi đing nao, pơhưč tơlơi mut hrŏm mơng djop anih anom. Tal pel ĕp anai, hơmâo 30 gơnam lĕ gơnam ƀong huă, ia mơñum, phun akha kyâo mơng 18 anih anom anun lĕ hơdôm boh kông ti TNHH, bơwih ƀong hrŏm hăng hơdôm boh sang anŏ bơwih ƀong sĭ mơdrô amăng plơi prong Buôn Ma Thuột, tơring glông Krông Pač, Krông Năng, Čư̆ Mgar hăng Krông Ana.

Anai ăt lĕ hơdôm gơnam đang hmua hiam hơdjă amăng kual ƀon lan hơmâo tuh pơ alin pơkra pơjing hiam, hơmâo mrô, tong ten anih pơkra pơjing. Truh ră anai, đơ đam tơring čar Dak Lak hơmâo laih 110 gơnam tui OCOP mơng 3-4 asar pơtŭ. Tui tơlơi yak nao pơđĭ kyar gơnam OCOP, tơring čar Dak Lak gir run truh thun 2025 hơmâo 200 gơnam OCOP, thun 2030 hơmâo 300 gơnam OCOP hơmâo hră pơsit. Hơdôm gơnam anai đĭ tui hiam hơdjă, mrô asar pơtŭ, dưi ba hyu sĭ mơdrô amăng lŏn ia hăng tač rơngiao sit nik.