Rơbêh 200 čô khua pơ ala rai mơ̆ng 120 anih ngă pô pơ ala ba hyu gơnam sĭ mơdrô, mơnuih ngă bruă sĭ mơdrô pioh ba gơnam sĭ mơdrô pơ dêh čar tač rơngiao, djop anom bruă ngă ƀong hrŏm, anom bruă pơkra ming gơnam sĭ mơdrô mơ̆ng đang hmua, mơnong ƀong huă pioh ba sĭ mơdrô ƀơi Dak Lak, Dak Nông, Long An, An Giang, Hậu Giang jơnum hrŏm.

Ƀơi mông jơnum, ƀing khua mua lăi pơthâo, pôr tơlơi pơhing kơ anŏ gêh găl, tơlơi kơtang amăng bruă pơkra gơnam sĭ mơdrô mơ̆ng boh troh đang hmua, mông gêh găl tuh pơ alin kơ bruă pla pơjing, pơkra ming hăng sĭ mơdrô hơmâo anih blơi hơđong. Ơi Lưu Văn Khôi, Khua Gơnong bruă wai lăng sĭ mơdrô tơring čar Dak Lak brơi thâo, rơnoh prăk sĭ mơdrô ƀơi đơ đam tơring čar blan 8/2023 him lăng hơmâo 130 klăk USD. Pơ alin  prăk sĭ mơdrô 8 blan thun 2023 him lăng 1000 klăk USD, hrŏ trun 0,3% pơkă hăng tal anai mơ̆n thun 2022, kơnong ngă djop 64,4% akŏ bruă jao sa thun.