Amăng mông jơnum lu tơlơi pơgôp hiăp mơng anom bơwih ƀong sĭ mơdrô đing nao hơdôm boh tơhnal anun lĕ: Bruă čih anăn, jŭ yap, duh glăi jia, duh pơlir hơbit, duh jia tui prăk pơhrui rĭm čô mơnuih, anom bơwih ƀong sĭ mơdrô; hơdră djru mă jia; hơdră duh glăi jia brơi anom bơwih ƀong sĭ mơdrô gơnam đang hmua; hră jia điện tử.

Ơi Bùi Văn Chuẩn, Khua anom bruă mă jia tơring čar Dak Lak brơi thâo, hơdôm tơlơi pơgôp hiăp mơng anom bơwih ƀong sĭ mơdrô amra hơmâo gơnong bruă mă jia tŭ mă hăng ba tơbiă hơdră kiăng pơtrut pơplih ngă hră pơ-ar, hrưn đĭ tŭ yua amăng wai lăng lơm mă jia, ngă gêh gal brơi hơdôm anom bơwih ƀong sĭ mơdrô dưi mă yua tŭ yua hloh.