Tui hăng Gơnong bruă Đang hmua hăng pơđĭ kyar plơi pla Dak Lak, thun 2023, anom bruă ngă hmua hăng lu sang bruă kơnuk kơna hơmâo pok pơhai ngă tui wai lăng, pơgang glai rưng anun mrô ngă soh phă glai pơrai rưng hrŏ ƀiă, pơsir hmao kru, mrô ngă soh tơlơi wai pơgang glai rưng hrŏ trun 20% pơkă hăng thun 2022. Bruă mă pơđĭ kyar glai rưng dưi pơtrut ngă bruă lu mơ̆n.

Đing nao bruă pla phrâo, ƀudah pla phun boh troh amăng anih ngă hmua, pla plah wah amăng đang lu pơjeh phun pla kiăng pơtrut pơhrui glăi lu hloh rơnoh sĭ mơdrô amăng bruă ngă hmua pla pơjing. Truh ră anai, rơnoh pơkă anŏ tơ-ui amăng glai klô ƀơi tơring čar Dak Lak kiah dưi ngă 38% đôč, ƀu djop tơhnal pơkă tui Hră pơtrun mơ̆ng Khul khua mua pơ ala mơnuih ƀôn sang tơring čar pơkă lĕ 39,24%.