Dak Lak ngă tui tŭ yua jơlan hơdră rĭm boh să sa gơnam
Thứ hai, 10:32, 11/12/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai - Ƀơi plơi prong Buôn Ma Thuột, anom bruă git gai gum hrŏm plơi pla phrâo tơring čar Dak Lak pơphun pơtop hrăm jơlan hơdră rĭm boh să sa gơnam (OCOP) thun 2023 brơi 150 čô mơnuih lĕ ƀing pơ ala anom bơwih ƀong sĭ mơdrô, anom bơwih ƀong hrŏm, ƀing rông hlô hăng pla pơjing hăng hơdôm boh sang anŏ amăng tơring čar.
Amăng hơdôm hrơi pơtop hrăm, ƀing kiăo tui hrăm ăt pơlăi nao rai, tơña hăng glăi glăi tơlơi găn rơgao, bruă ngă klă, hơdôm hơdră sit nik kiăng pơsir hĭ tơnap tap, gun găn lơm mut hrŏm jơlan hơdră.
Tui ơi Dương Tín Đức, khua anom bruă git gai gum hrŏm jơlan hơdră plơi pla phrâo tơring čar Dak Lak: tơdơi kơ giăm 6 blan pok pơhai ngă tui jơlan hơdră OCOP, tơring čar Dak Lak hơmâo 152 gơnam hơmâo tŭ yap tui gơnam OCOP. Amăng anun hơmâo 1 gơnam amra tŭ yap 5 asar pơtŭ, 19 gơnam 4 asar pơtŭ hăng 132 gơnam 3 asar pơtŭ.
Viết bình luận