Ră anai Dak Lak hăng hơdôm bôh tơring čar kual Dap Kơdư glăk pơhrui pĕ kơphê bơyan 2023-2024 hăng nua kơphê asar krô đĭ trun mơ̆ng 59.000 truh 69.000 prăk sa kg, anun lĕ rơnoh nua phun bơyan lu hloh mơ̆ng hlâo truh kơ ră anai.

Tui hăng ơi Lê Thanh Sơn, Khua Marketing Sang bruă bơwih ƀong mơnuih ƀôn sang sa ding kơna sĭ gơnam kơ dêh čar tač rơngiao lơ 2/9 Dak Lak, rơnoh nua ră anai lĕ hmâo kơmlai kơ mơnuih pla kơphê hăng bruă ngă kơphê, samơ̆ glăk ba tơbiă lu tơlơi lông kơ hơdôm bôh anom pơhrui blơi hăng sĭ kơ dêh čar tač rơngiao. Hrŏm hăng tơhnal pơkă kơ mrô, anom bơwih ƀong sĭ mơdrô gơnam kơ dêh čar tač rơngiao kiăng hmâo ngăn rơnoh lu hloh ha mơkrah bơyan hlâo, hrŏm hăng anun bŏng glăi hăng tơlơi ƀu tơphă amra hmâo gah nua ñu tơnap him lăng./.