![VOV Tây Nguyên/Siu Đoan Pơblang](/themes/custom/vov_4/images/avatar.png)
Dak Lak lĕ tơring čar hơmâo đang hmua pla sầu riêng prong hloh đơ đam dêh čar, hăng rơbêh 32.700 ektar. Đơ đam tơring čar hơmâo 23 anih anung boh sầu riêng hăng 68 kual pla sầu riêng hăng đơ đam rơbêh 2.500 ektar hơmâo dêh čar Khač jao mrô pơsit dưi sĭ mơdrô pơ tač rơngiao. Him lăng thun 2024, boh sầu riêng amăng tơring čar Dak Lak pĕ pơhrui rơbêh 300 rơbâo tơ̆n.
![Sầu riêng Dak Lak prap ba sĭ mơdrô pơ tač rơngiao](https://vov4-media.solidtech.vn/sites/default/files/styles/large/public/2024-07/sau%20rieng%20dak%20lak.jpg)
Hrŏm hăng hơdôm tơlơi gal amăng pla pơjing, gơnong bruă sầu riêng Dak Lak ăt dŏ lu anŏ aka ƀu klă, anun lĕ lu kual pla raih daih; ƀu pơlir hơbit amăng pla pơjing, blơi pơhrui, pơkra pơjing, djă pioh hăng sĭ mơdrô; aka ƀu ngă tui djơ̆ tơlơi pơkă pơgang hlăt mŏt mơ̆ dêh čar blơi mut đing nao. Kiăng djơ̆ hăng tơlơi rơkâo mơng tač rơngiao, ƀing khua mua hơmâo ba tơbiă sa, dua hơdră anun lĕ: Hrưn đĭ klă dong bruă wai lăng, bruă pơphun pla pơjing amăng anom bơwih ƀong hrŏm; wai lăng klă mrô kual pla; kơtưn pơtô pơblang kiăng mơnuih hluh rơđah kơ hơnong pơkă gơnam hiam hơdjă mơng anih pla.
Viết bình luận