Truh ră anai, klin ngă pơtah čroh ƀơi un hmâo laih ƀơi 66 bôh sang anô̆ gah 17 bôh să mơ̆ng 10 bôh tơring glông, plơi prong mơ̆ng tơring čar Dak Lak, ngă djai hăng prai lui rơbêh kơ 510 drơi hăng abih bang mrô ñu rơbêh kơ 24 tơn.

Ră anai dô̆ 6 tơring glông klin ruă akă rơgao 21 hrơi. Hăng tơlơi ruă bơbrah klĭ khil khul ƀơi rơmô kơbao, amăng rơwang hrơi tơjuh, klin ruă gluh đĭ ƀơi 2 bôh sang anô̆ pơ̆ tơring kual Ea Pôk, tơring glông Čư̆ Mgar hăng să Hòa Phú, plơi prong Buôn Ma Thuột, tơring čar Dak Lak, abih bang mrô ñu prai lui rơbêh kơ 300kg. Yap mơ̆ng akô̆ thun truh ră anai, ƀơi Dak Lak hmâo 4 anih klin ngă bơbrah kli khil khul ƀơi rơmô kơbao pơ̆ tơring glông Ea Sŭp, tơring glông Čư̆ Mgar hăng plơi prong Buôn Ma Thuột, ngă ruă 9 drơi hlô, prai lui 4 drơi, abih bang mrô ñu prai lui rơbêh kơ 450kg. Thun anai, tơring čar mă yua giăm truh 29 klai prăk ngăn drăp Kơnuk kơna pioh hơdôm anih anom amăng tơring čar pơphun bruă pơgang pơgăn klin ruă kơ hlô mơnong./.