Anih mơdrô Halal hơmâo lu mơnuih tui đăo Islam, giăm 2 klai čô mơnuih amăng thun 2023. Tơlơi bơwih ƀong Halal ƀơi rŏng lŏn tơnah glăk đĭ kyar tañ hăng lu bruă. Ƀơi mông jơnum, pô pơ ala kơ Halal Việt Nam lăi, lu gơnam mơ̆ng hmua Việt Nam lăi hrŏm hăng Dak Lăk lăi hơjăn lêng kơ rơnuk rơnua hơdjă, lăp djơ̆ hăng tơlơi kiăng hơmâo hră pơsit mơ̆ng Halal.

Khă hnun, ră anai gơnam ƀong huă Halal ba sĭ lu biă ñu lĕ gơnam aka ƀu pơkra. Yua hnun hơdôm anom bơwih ƀong, anom ngă ƀong hrŏm mơ̆ng tơring čar Dak Lăk kiăng lăng ba hloh kơ bruă pơkra gơnam, hmư̆ hing anih sĭ mơdrô, tơlơi pơkă mơ̆ng Halal đah mơ̆ng pơkra gơnam klă hloh tui tơlơi kiăng mơ̆ng hơdôm boh dêh čar tui đăo Islam kual Mi Kô̆, ASIA, Ả Rập...