Amăng mông jơnum bơkơtuai, hơdôm pô OCOP dua tơring čar Quảng Ngãi hăng Dak Lak hmâo lăi pơthâo hăng pơdah kơ hơdôm gơnam pha ra ha jăn mơ̆ng dua tơring čar kah hăng: ia măm Mười Quý, tỏi Lý Sơn, quế Trà Bồng, akan nong nŏ ia krông Trà mơ̆ng tơring čar Quảng Ngãi; kơphê klă hiam, sầu riêng phang krô thăng hoa, mắc ca, ca cao, trà bôh krăm mah mơ̆ng tơring čar Dak Lak.

Anai lĕ hơdôm gơnam hmâo tơhnal pha ra mơ̆ng dua bôh tơring čar, hmâo anô̆ gal pơtrut sĭ mơdrô mut amăng hơdôm glông jơlan ba hyu sĭ pioh pơhư prong anih anom sĭ mơdrô hơđong ƀơi rim tơring čar hăng đơ đam dêh čar. Amăng mông bơkơtuai, pơ ala rơbêh kơ 20 pô gơnam mơ̆ng 2 bôh tơring čar hmâo kĭ pơkôl hră pơ-ar djă pioh gum hrŏm hăng năng ai ñu 50 mơta gơnam OCOP hăng anô̆ pha ra mơ̆ng tơring čar./.