Dak Lak ră anai hmâo rơbêh kơ 22.500 ektar đang sầu riêng hăng mrô bôh ñu rơbêh kơ 200.000 tơn, bơyan pĕ pơhrui mơ̆ng blan 7 truh blan 10 rim thun. Truh ră anai, sầu riêng tơring čar Dak Lak glăk pơphun tơsă. Kiăng gal brơi lơm sĭ kơ dêh čar tač rơngiao, Gơnong bruă đang hmua hăng pơđĭ kyar ƀôn lan tơring čar Dak Lak rơkâo Anom pơgang phun pla jao anom ngă pô phun, pơkiăo mơnuih mă bruă, pơpha gơnam mă yua pơphun hyu pel ĕp kơman ngă hăng ngă hră pơ-ar pel ĕp ƀơi tơring čar kơ bôh sầu riêng tơring čar Dak Lak amăng bơyan thun 2023.

Hlâo kơ anun, amăng mông mă bruă kơplah wah Anom pơgang phun pla hăng Gơnong bruă đang hmua hăng pơđĭ kyar ƀôn lan tơring čar Dak Lak, Khul sĭ mơdrô sầu riêng tơring čar Dak Lak, Anom pơgang phun pla tơring čar hmâo tŭ ư brơi mơnuih mă bruă hăng gơnam tam mă yua pơphun hyu pel ĕp hăng ngă hră pel ĕp kơman ngă ƀơi tơring čar kơ hơdôm bôh sầu riêng mơ̆ng Dak Lak./.