Dak Lăk wai lăng kjăp anŏ klă boh sầu riêng mơ̆ng đang pla mơtăm
Thứ năm, 11:00, 07/08/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tơring čar Dak Lăk glăk mut amăng bơyan pĕ boh sầu riêng thun 2025, lơ̆m anun anih blơi sầu riêng kiăng wai lăng anŏ klă mơ̆ng djuai boh anai jai hrơi tơnap tui.
Tơring čar Dak Lăk hơmâo giăm 41.000 ha đang sầu riêng, amăng anun 26.600ha hơmâo boh laih, đĭ rơbêh 4.000 ha pơhmu hăng thun 2024. Mrô sầu riêng pơhrui glăi him lăng hơmâo 392.000 tơn, đĭ năng ai 30.000 tơn. Dak Lăk ră anai hơmâo 269 mrô pơsit kual pla, hơmâo pơsit ƀơi rơbêh 7.400 ha, pơhrui hơmâo năng ai 220.000 tơn.
Ƀơi tơring čar ăt hơmâo rơbêh 250 anih blơi, pơkra, 11 bit anih ngă rơ-ơ̆ hăng 40 anih anung pioh sầu riêng săt hơmâo brơi mrô ba sĭ pơ čar rơngiao. Tui hăng ơi Nguyễn Minh Huấn, Khua gơnong bruă hmua hăng ayuh hyiăng Dak Lăk, kiăng wai lăng kjăp anŏ klă mơ̆ng phun mơtăm, tơring čar Dak Lăk jao glăi bruă wai lăng kual pla, anih anung pioh amăng kơthung hăng bruă sĭ mơdrô sầu riêng kơ gong gai să./.
Viết bình luận