Khua anom bruă wai lăng bơnư̆ pơkong ia tơring čar Dak Nông, Lê Trung Kiên brơi thâo, tui hăng tơlơi sem lăng hlâo mơ̆ng sang bruă pơkă ayuh hyiăng hlim hơjan, mơ̆ng blan 2 truh blan 4/2024, ia amăng lu anih lơ̆m tơring čar amra thu, hrŏ kơtang, hŭi biă ba truh không phang čơđang lŏn kơsing pah prong ngă, kơƀah ia bruih kơ hmua pơdai, đang boh troh, ia mơñum, čem rông hlô mơnong amăng bơyan phang.

Ƀơi anăp kơ tơlơi anai, Jơnum min mơnuih ƀôn sang tơring čar Dak Nông hơmâo pơkra hơdră kiăng pơhlôm, pơgang hlâo không phang kơƀah ia yua, rơkâo djop gơnong bruă, tơring glông krăo lăng tong ten ayuh hyiăng, pel ĕp djop dơnao, ia čroh hnoh, pơtong lăng kual či pruih ia kơ đang hmua, kual či kơƀah ia, prăp lui pơpha ia yua djơ̆ găl, hmao bơyan, pơblih pơjeh djuai phun pla hlô mơnong rông brơi djơ̆.