Anai lĕ tơlơi pơhing amăng mông jơnum tui tơđar mơ̆ng Jơnum min mơnuih ƀôn sang tơring čar Dak Lak pơphun mơguah lơ 16/7. Khă dưi hmâo lu bôh tơhnal klă, samơ̆ rơnoh đĭ kyar bơwih ƀong mơ̆ng Dak Lak amăng 6 blan akô̆ thun akă djơ̆ tui tơhnal ba tơbiă mơn, pơhrui prăk mă yua lŏn ƀiă, bơdjơ̆ nao truh bruă pok pơhai ngă tui hơdôm rơwang bruă tuh pơplai bruă hrŏm hăng ngăn drăp tơring čar.

Bruă bơwih ƀong huă sĭ mơdrô mơ̆ng anom bơwih ƀong ăt bưp lu tơlơi tơnap mơn, mrô anom bơwih ƀong lup hăng pơdơi jăng jai đĭ lu bơhmu hăng thun 2023. Ơi Nguyễn Tuấn Hà, Kơ-iăng Khua Jơnum min mơnuih ƀôn sang tơring čar Dak Lak lăi lĕ, amăng 6 blan rơnuč thun, tơring čar pơsit amra khom bŏng glăi hăng ƀu ƀiă tơlơi tơnap lơm khul bơwih ƀong hơkrŭ glăi kaih; hơjan ia ling dăo, klin ruă ngă ƀu thâo him lăng khom hmâo hơdôm gưl hơdôm gơnong bruă gir run ngă tui kah mơ̆ng dưi djơ̆ tui tơhnal pơkă bơwih ƀong mơnuih mơnam mơ̆ng sa thun 2024./.