Ƀrô djơ̆ tal anai, Kơ-iăng Khua Ding jum đang hmua hăng pơđĭ kyar ƀôn lan dêh čar ta Hoàng Trung hmâo bơkơtuai hăng Kơ-iăng Khua anom, Anom bruă rô nao rai hăng dêh čar tač rơngiao dêh čar Khač Triệu Tăng Liên. Amăng mông bơkơtuai, khua mua dua bôh anom tŭ ư hrŏm laih kơ gum hrŏm amăng bruă sĭ mơdrô hăng pok bah amăng sĭ mơdrô pioh kơ hơdôm mơta gơnam mă mơ̆ng đang hmua, đang kyâo, akan hơdang mơ̆ng dua bôh dêh čar.

Dua bơnah hơdai kơ tŭ ư hrŏm pơtrut gum hrŏm amăng bruă sĭ mơdrô gơnam mă mơ̆ng đang hmua hăng pok anih anom sĭ mơdrô pơ̆ anăp anai. Kiăo tui anun, amra tañ ngă giong abih bang hơdôm mơta hră pơ-ar pioh kĭ Tơlơi pơtrun pơkă hră kơ rơkâo wai lăng phun pla hăng bôh pơđung, sầu riêng dưm pler mơ̆ng Việt Nam sĭ kơ dêh čar Khač./.