Adai không phang, pơ-iă kơtang amăng hơdôm blan rơgao ngă ia amăng dơnao Đan Kia - Suối Vàng thu khot laih, ngă dơnao ia thu ƀuh atur, lŏn čơđang abih wơ̆t hăng gah hlâo ia hnun mơn. Ƀu kơnong brơi ia pruih kơ phun pla amăng kual đôč ôh, Dơnao Đan Kia - Suối Vàng ăt jing anih brơi ia yua hơdjă kơ plơi prong Đà Lạt hăng ha bơnah mơ̆ng tơring glông Lạc Dương. Khă hnun, ia amăng dơnao thu laih, kơƀah ia yua kơtang biă mă pơ anăp anai. Jơnum min mơnuih ƀôn sang tơring čar Lâm Đồng brơi thâo, ƀơi anăp bruă kơƀah ia kơtang tui anai, tơring čar git gai hơdôm tơring, anom bruă pơƀut prăp rơmet, pơgang hlâo.