Nao pơhmư̆ hơmâo pô pơ ala kơ Khul dưm dăp pơkă hơnong pơđĭ kyar plơi prong, Khul čih pơkra kač rup man pơdong Việt Nam hrŏm hăng lu mơnuih kơhnâo amăng hăng gah rơngiao dêh čar. Tui anun, anih anom, anet prong bruă kơsem min hơmâo ngă ƀơi plơi prong Đà Lạt hăng hơdôm boh tơring glông Lạc Dương, Đơn Dương, Đức Trọng hăng ha bơnah tơring glông Lâm Hà, pok prong tui jơlan mơ̆ng 850m truh kơ glông hloh hăng jơlah ia rơsĭ; đơ đam anih čuk pơkra hơmâo truh 336 rơbâo ha, lu hloh 10 wơ̆t pơhmu hăng lŏn tơnah Đà Lạt ră anai.

Tui hăng pô Kač rup man pơdong Trần Ngọc Chính, Khua khul čuk pơkra pơđĭ kyar plơi prong Việt Nam, kiăng djă pioh gru phara hơjăn mơ̆ng Đà Lạt, anăp nao pơđĭ kyar mơtah hăng pơgang pơplih ayuh hyiăng, kiăng hơmâo jơlan ngă bruă sui thun, hơmâo hơdră djru phara kah mơ̆ng dưi čuk pơkra pơđĭ kyar Đà Lạt hăng hơdôm kual jê̆ giăm truh pơ thun 2045 tơdơi kơ hơmâo Khua dêh car pơsit brơi.