Festival “Pơgang pioh hăng pơđĭ tui sa bruă pơkra ming thun 2023”
Thứ sáu, 14:49, 10/11/2023
VOV/Nay Jek pơblang
VOV/Nay Jek pơblang
VOV4.Jarai-Amăng tal jơnum Festival Djă pioh hăng pơđĭ tui plơi pla ngă bruă pơkra ming gơnam sĭ mơdrô thun 2023, mơguah lơ 9/11, ƀơi Hà Nội, Ding jum Bruă hmua hăng pơđĭ kyar plơi pla ngă hrŏm Jơnum min mơnuih ƀôn sang ƀôn prong Hà Nội pơphun jơnum pơčrong sai bưp 100 čô mơnuih kơhnăk pơkra ming pơ ala brơi kơ rơbêh 2 rơbâo 107 čô mơnuih kơhnăk, bruă pơkra ming hăng rơbêh 3 klăk 650 rơbâo čô mơnuih mă bruă pơkra ming gơnam sĭ mơdrô amăng dêh čar.
Lăi pơtong, ƀing mơnuih kơhnăk bruă pơkra ming lăng kah hăng phun aliăng kơ bruă pơkra gơnam sĭ mơdrô, plơi pla pơkra ming gơnam gru grua đưm djuai ania, ƀing pơjing rai lu mơta gơnam djă gru plơi pla, gơnam pơhrôp hiam “Jing hơdôm ƀĕ tơngan rơgơi pơkra gơnam rơnoh yôm”, ƀing pơgôp prong amăng bruă akŏ pơjing gru grua ia rơgơi hiam klă mơ̆ng djuai ania Việt, gru grua hiam plơi pla pơkra ming gơnam djă pioh kơ rơnuk tơdơi, Khua ding jum bruă hmua hăng pơđĭ kyar plơi pla ơi Lê Minh Hoan rơkâo, Anom bruă bơwih ƀong huă ngă hrŏm pơtrut pơđĭ kyar plơi pla kơsem min lu hơdră djơ̆ lăp pioh pơđĭ rơnoh yôm mơ̆ng plơi pla pơkra ming gơnam sĭ mơdrô gru grua, biă mă ñu hơdôm gơnam mơ̆ng ƀing mơnuih kơhnâo kơhnăk rơgơi hloh pơkra ming.
Viết bình luận