Ƀơi Gia Lai, kman hơmâo ĕp ƀuh ƀơi 29 boh sang anŏ rông un amăng 24 ƀut plơi pla ƀơi 14 boh să. Pơhmu hăng rơwang hrơi tơjuh hlâo anun, mrô să hơmâo kman đĭ pơhrua 6 boh, amăng anun 5 boh să amăng kual yŭ Gia Lai hăng 1 boh să ƀơi Ngŏ Gia Lai hơmâo: Ia Tul, ia Krăi, Ia Grai, Chư Sê, Ia Krêl, Tuy Phước. Kiăng pơgang kman, amăng rơbêh 1 blan rơgao, 4 anih wai pơgang kman pơlir djop gơnong bruă ƀơi hơdôm ară jơlan phun amăng tơring čar Gia Lai hơmâo pel ĕp giăm 900 boh rơdêh pơgiăng hlô mơnong, pruih ia jrao pơgang brơi djop rơdêh mut nao tơring čar.

Gơnong bruă ngă hmua hăng ayuh hyiăng lŏn mơnai tơring čar Gia lai tŏ tui git gai hơdôm boh ƀon lan wai lăng, pơčrang kman, pơgang tañ hloh lơm ƀuh kman lar hyu phrâo, laih pơtô pơblang, pơanur mơnuih ƀôn sang gơgrong lăi pơthâo hăng ngă tui khut khăt hơdôm hơdră pơgang kman.