Sit biă ñu, akŏ bruă hơmâo pok pơhai ƀơi să Đăk Đoa, tơring čar Gia Lai, amăng đơ đam giăm 157 ektar, hăng dưi mă yua 50 thun. Hơnong pơkă mơng akŏ bruă anai lĕ kơsem min boh thâo hăng pơđĭ kyar boh thâo phrâo amăng bruă ngă hmua, ĕp lăng hăng pla anah pơjeh, sit biă ñu lĕ phun kơphê. Akŏ bruă anai ăt anăp nao mă yua boh thâo ia rơgơi ană mơnuih pơčeh (AI) amăng wai lăng kual pla pơjing phun kơphê, kiăo tui lăng hlăt mŏt pơčrăm, pơjing plang mă yua boh thâo phrâo dashboard djru brơi bruă wai lăng kual pla pơjing.

Jơnum min mơnuih ƀon sang tơring čar Gia Lai rơkâo anom bruă tuh pơ alin ngă tui djop amăng ngă hră pơ-ar kơ bruă tuh pơ alin, lŏn mơnai, man pơdong, wai pơgang jum dar, pơgang hŭi apui ƀong, boh thâo phrâo, pơplih mrô hăng hơdôm tơlơi pơkă amăng tơlơi phiăn bơdjơ̆ nao; pơhlôm kah pơpha djop ngăn rơnoh, pok pơhai akŏ bruă lăp djơ̆ bruă dưm dăp, anih man pơkra hăng hrơi mông pơkôl pơkă ngă.