Việt Nam ră anai hơmâo năng ai 1,4 klăk pŭ hni hăng 31 sang bruă mơdrô ba sĭ ia hni pơ čar rơngiao. Khă hnun, bruă rông hni glăk hơmâo tơlơi lông prong biă yua pơkra gơnam raih daih, drơi pơ ngă mă, anŏ klă mơ̆ng ia hni aka ƀu kơnar, laih anun pơtruh mơ̆ng bruă rông truh kơ ba sĭ dŏ tơdu biă amăng hrơi mông anih mơdrô jar kmar jai tơnap yua dah kiăng hơmâo hră pơ-ar ĕp ƀuh anih rông.

Ƀơi mông jơnum, ƀing khua pơƀut ĕp hơdră pơđĭ tui anŏ klă djuai hni, mă yua boh thâo rơgơi hloh, pơgang klin kman hăng pơtruh kơtang hloh hăng sang bruă mơdrô. Pơ anăp dong, anom bruă pơsur ngă hmua pơtrut pok prong hơbô̆ bruă pơkra gơnam tŭ yua pơ hơdôm kual glai klô anih anom hơdjă; brơi mơnuih ƀôn sang nao lăng, hrăm tui; laih dong lăi pơthâo re se boh thâo rông hăng djru ba pô rông hni pơtruh hăng anih sĭ mơdrô, pơjing anăn gơnam hmư̆ hing OCOP hơđong kjăp./.