Nao pơhmư̆ hrŏm jơlan hơdră anai, hơmâo khua mua pơ ala djop sang bruă, anom bruă tơlơi pơhing, sang bruă mơdrô hăng ƀing ngă bruă pôr tơlơi pơhing amăng mrô. Grup hyu sem lăng sit nik ƀơi lu anih sĭ mơdrô ia kơphê mơñum hăng tơpung kơphê pơkra ming ba gru hiam ƀơi Dak Lak kah hăng sang bruă djă pih gru grua kơphê rŏng lŏn tơnah ƀơi Dak Lak, hyu sem lăng djop đang hmua, pla kơphê, anih pơkra ming kơ-uă tơpung kơphê hăng anih tuai hyu ngui sem lăng găn rơgao dŏ glăi ngă bruă kơphê.

Ƀơi djop anih nao, ƀing ding kơna amăng grup, tơña hơduah phun tơdŭ čih pioh gru grua ngă kơphê, tơlơi thâo thăi gru grua kơphê kual Dap Kơdư; nao ngă hrŏm pla, jik hmua hăng kơ-uă tơpung kơphê; mơ̆ng bruă pĕ pơhrui, ƀhu krô, hna asar kơphê truh kơ-uă jing tơpung laih anun hrong ia kơphê pioh mơñum ƀơi sang bruă sĭ mơdrô. Jơlan hơdră anai, ngă gêh găl kơ djop sang bruă tơlơi pơhing ƀuh, sang bruă mơdrô ngă hrŏm amăng plơi pla pôr pơthâo hăng pơdah thâo plăng internet, ba yua ia rơgơi mrô pơtruh nao rai, kah pơpha tơlơi thâo thăi pôr pơhưč kơ bruă kơphê Ƀuôn Ma Thuột, tơring čar Dak Lak.