Năm blan akŏ thun, anom bruă ngă hmua ăt djă hnơ̆ng rơnoh pơđĭ kyar, djru hrŏm pơhlom hơđong mơnong ƀong huă, hơđong tơlơi hơdip mơda mơnuih ƀôn sang; prăk pơhrui glăi sĭ mơdrô gơnam boh troh đang hmua, kyâo pơtâo, mơnong akan hơdang pơhrui glăi giăm 36 klai prăk đolar Mi.

Kơ-iăng khua dêh čar lăi pơtong, bruă ngă hmua pla pơjing kah hăng tơmeh phun gơgrong ba amăng atur tơlơi bơwih ƀong huă, laih dơ̆ng pơtrun hiăp kơ anom bruă ăt khom ngă pơgiong tơlơi phiăn, prăp lui bruă bong glăi hăng anŏ pơblih amăng anih anom sĭ mơdrô, bong glăi ayuh hyiăng hăng tơlơi truh lŏn adai ngă; pơsir hĭ tơlơi tơnap tap amăng bruă pơkra ming, pok prong anih anom sĭ mơdrô pơ dêh čar tač rơngiao. Hrŏm hăng anun, pơtrut ba yua ia rơgơi mrô, pơđĭ kyar ngă hmua mơtah mơda, pơhlom akŏ klôn, pơhrŏ anŏ ngă bơtơbiă asăp, ayuh sat amăng adai rơngit hăng ngă tui tŭ yua hloh hră pơkôl sĭ mơdrô rơngai kiăng ngă tui djop tơhnal pơkă rơnoh pơđĭ kyar thun 2026.