Anai lĕ tơlơi pơtŏng sit hăng ba tơbiă mơ̆ng Jơnum min mơnuih ƀôn sang tơring car Gia Lai amăng bruă mă hăng Ding jum đang hmua hăng pơđĭ kyar ƀôn lan dêh čar akô̆ blan 8/2024 phrâo rơgao. Jơnum min mơnuih ƀôn sang tơring čar Gia Lai pơsit, bruă tuh pơplai pơkra bơnư̆ jing kiăng biă, yua kơ mơ̆ng thun 2012 lơm Drai ia pơkĕ apui lơtrik An Khê Kang Nák mă yua, ia Pa pơđoh nao pơ̆ ia krông Kôn rô trun pơ̆ tơring čar Bình Định, ngă kual lŏn prong ngă đang hmua pơ̆ An Khê kơƀah ia.

Mrô ia rô găn plơi prong An Khê akă truh 4m3/s, amăng bơyan phang lĕ ia thu, sa dua črăn ia dŏng glăi ngă hơƀak. Ơi Đặng Quốc Hoài Huy - Kơ-iăng Khua Jơnum min mơnuih ƀôn sang plơi prong An Khê pơtŏng sit, tơlơi kơƀah ia, hơƀak anih anom dô̆ amra pơtlaih hĭ tơdah bơnư̆ ƀơi ia Pa tañ dưi man pơkra./.