Gia Lai: Khua Ding jum Lê Minh Hoan lăi pơthâo hăng anom bơwih ƀong kơ pơđĭ tui nua kơphê
Thứ ba, 06:00, 14/11/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Ƀrô̆ djơ̆ tal čuă hăng pơhmư̆ Rơwang hrơi tơjuh Bôh thâo Tuai čuă ngui Gia Lai 2023, Khua Ding jum đang hmua hăng pơđĭ kyar ƀôn lan dêh čar Lê Minh Hoan hmâo laih mông pơbưp, bơkơtuai hrŏm hăng hơdôm bôh anom bơwih ƀong ngă kơphê ƀơi tơring čar jum dar anăn ñu pơđĭ tui nua kơphê.
Dưi pơsit tơhnal gal đĭ nua kơphê, akô̆ thun 2023, Jơnum min mơnuih ƀôn sang tơring čar Gia Lai hmâo pơjing laih Grŭp črâo ba Akô̆ bruă pơphô hlâo pơjing kual pla kơphê, phun kyâu djơ̆ kơ bruă blơi sĭ amăng lon ia hăng sĭ kơ dêh čar tač rơngiao ƀơi tơring čar Gia Lai rơwang 2022-2025.
Amăng mông bưp, Khua Ding jum Lê Minh Hoan hmâo lăi pơthâo laih tơhnal lăng phrâo kơ nua kơphê mơ̆ng gum hrŏm hơbit pioh pơjing anăn păn hrŏm gah kơphê Gia Lai, pơjing hăng pơđĭ kyar hơdôm nua yôm phrâo kơ kơphê kơnang kơ gum hrŏm hăng bruă tuai čuă ngui, pơčeh phrâo tui arăng kiăng yua, hrăm tui mơ̆ng hơdră đĭ nua gơnam mă mơ̆ng đang hmua mơ̆ng hơdôm bôh dêh čar iao gah./.
Viết bình luận