Tŭ yap pơgang anăn păn khul grŭp “Sầu riêng Krông Ƀuk” mă yua amăng 10 thun. Anai lĕ gru grua tơlơi phiăn pơjing phun than pioh tơring glông pơlar dong anăn păn hăng pơđĭ nua sầu riêng mơ̆ng tơring glông. Dak Lak hmâo pơsit 7 kual pla sầu riêng. Krông Ƀuk jing anih tal 4 akô̆ pơjing anăn păn sầu riêng khul grŭp.

Anun ăt lĕ phun than kơ pơsit jơlan gah amăng pơgi kơdih anai ƀơi Dak Lak amra akô̆ pơjing anăn păn sầu riêng Dak Lak ƀơi anih sĭ mơdrô. Rơngiao kơ Krông Ƀuk, 3 bôh tơring glông pơkon ƀơi Dak Lak hmâo anăn sầu riêng khul grŭp lĕ Krông Pač, Čư̆ Mgar hăng Krông Năng. Ơi Hoàng Kiên Cường, Khua Jơnum min mơnuih ƀôn sang tơring glông Krông Ƀuk, tơring čar Dak Lak brơi thâo: Bruă tŭ yap anăn păn amra djru bruă pơđĭ pran gơgrong mơnuih pla djơ̆ tui tơlơi kiăng mơ̆ng anih anom sĭ mơdrô./.