Hơdôm rơtuh ektar hmua pơdai amra răm rai yua hơjan sui hrơi
Thứ tư, 10:11, 24/07/2024
VOV Tây Nguyên/Siu Đoan Pơblang
![VOV Tây Nguyên/Siu Đoan Pơblang](/themes/custom/vov_4/images/avatar.png)
VOV4.Jarai-Hơjan lu anih amăng sui hrơi laih rơgao ngă hơdôm rơtuh ektar hmua pơdai amăng tơring glông Lak, tơring čar Dak Lak ia ling dăo, amra răm rai abih.
Tui jŭ yap jang jai, yap truh yang hrơi dong lơ 23/7, đơ đam tơring glông Lăk hơmâo giăm 1.200 ektar hmua pơdai hăng phun pla pơkŏn ia ling dăo. Mơnuih ƀôn sang hơmâo hmao tlôn ba đuăi gơnam tam nao pơ kual kơdư, pơhlôm hlâo hŭi ia kor.
![Mơnuih ƀôn sang tơring glông Lak hning rơngŏt lăng pơdai ia dăo](https://vov4-media.solidtech.vn/sites/default/files/styles/large/public/2024-07/Lak%20ngap%20lut.jpg)
Ơi Võ Anh Tú, Kơ-iăng khua Jơnum min mơnuih ƀôn sang tơring glông Lak, tơring čar Dak Lak brơi thâo, tơring glông hơmâo git gai djop anih anom, gong gai ƀon lan kiăo tui lăng hơjan ia ling dăo, ngă tui klă hơdră pơhlôm “4 mơta ha anih”, lăng bruă pơhlôm rơnuk rơnua brơi mơnuih ƀôn sang lĕ yôm hloh amăng pơhlôm hlâo hơjan ia ling dăo.
Viết bình luận