Pơhiăp ƀơi mông jơnum, Khua ding jum Man pơphô hăng Tuh pơ alin, Khua grup čih hră lăi pơthâo, ơi Nguyễn Chí Dũng brơi thâo, lơ̆m čih pơkra hră lăi pơthâo Bơwih ƀong huă-Mơnuih mơnam dưi pok pơhai tañ, ngă tơpă djơ̆ hnơ̆ng tơdơi kơ Jơnum lok 9 Khua mua apăn bruă ping gah dêh čar.

Ngă tui tơlơi git gai mơ̆ng Khua dêh čar jing Khua Khul Bơwih ƀong huă-Mơnuih mơnam, Grup čih dăp hră lăi pơthâo hơmâo kah pơpha bruă mă tum teč laih kơ djop pô ngă ding kơna amăng grup pioh ngă bruă, kiăng čih pơtum, pơƀut tui hăng akŏ bruă lăi pơthâo ƀơi mông jơnum lok 9 ping gah dêh čar ta hơmâo pơsit. Hră lăi pơthâo anai, hlăk čih pơkra tum teč, ngă tui djop yak nao, hơmâo sem lăng, tŏ tui mơ̆ng lu kơnôl bruă mă sit nik pioh lăi pơthâo kơđi čar, kiăng pơhrua nao djop, hmao kru, tañ hloh.