Bruă jao 100.000 phun kyâo anah pla anai, dưi hơmâo anom pơtô adoh Sang hră hrăm bruă adoh suang dêh čar Việt Nam hăng Jơnum min mơnuih ƀôn sang tơring glông Tu Mrông, tơring čar Kon Tum pơphun ƀơi plơi Mô Pah, să Đak Hà. Pơjeh phun kyâo hơngô či pla anai hơmâo jao brơi kơ 200 boh sang anŏ djuai ania Sedang ƀun rin amăng 4 boh să: Măng Ri, Tea Săng, Đak Hà hăng Tu Mrông tơring glông Tu Mrông.

Yua kơ bơyan phang anun pô sĭ anah phun pla djă pioh wai lăng brơi, truh bơyan hơjan amra jao kơ hơdôm sang anŏ ba pla ƀơi kual lŏn kơdư čư̆ čan abih phun kyâo lŏn kla. Ƀrô djơ̆ tal anai, Khul khua mua wai lăng glai rưng Tu Mrông hăng hơdôm sang anŏ ƀơi să Đak Hà ăt brơi kơ tơring glông Tu Mrông 21.000 phun  anah kyâo hơngô či pla amăng anih anom phun tơring glông hăng treng jơlan nao pơ djop să, plơi pla ƀrô hơdor glăi hrơi anih dŏ jum dar rŏng lŏn tơnah thun 2024.