Tui hăng ƀing khua mua nao jơnum bơkơtuai, rơgao 5 thun mơ̆ng thun 2019-2023 tal pơplông kơphê jơman hloh Việt Nam-VietNam Amazing Cup hơmâo pơjing rai pran jua pơtrut bruă hơduah ĕp bơwih ƀong huă kơ mơnuih ƀôn sang pla, pơkra ming tơpung kơphê, pơđĭ tui hnong hiam jơman ia kơphê, pơblih rup rap mơ̆ng kơphê Việt Nam.

Kiăng pơđĭ kyar hơđong kjăp, ƀing khua mua rơkâo Ding jum ngă hmua hăng pơđĭ kyar plơi pla mă yua mrô tơlơi pơhing mơ̆ng 5 wơ̆t pơplông kơphê jơman hloh Việt Nam, mơ̆ng anun kiăng pơtong lăng hlom bom amăng bruă pla kơphê, kual pla kơphê; đah mơ̆ng hơmâo hơdră djru, pơtô hrăm, pơđĭ tui tơlơi thâo kơ mơnuih pơkra ming tơpung kơphê jơman; pơphun lu hơdră pôr pơthâo kơphê jơman Việt Nam ƀơi anih sĭ mơdrô amăng dêh čar amăng dêh čar gah rơngiao kơ Việt Nam; akŏ pơjing, ngă hră pơar gum hrom djop anom bruă pơtô hrăm kơ bruă pơkra kơphê ƀơi kual pla kơphê hăng anih ba sĭ mơdrô pioh pơsur mơnuih mă bruă pla kơphê, pơkra ming kơphê thâo hluh lu amăng bruă kơphê.