Amăng mông jơnum, ƀing khua mua lăi rơđah hơdôm anŏ aka ƀu klă amăng pơđĭ kyar pla phun kyâo sui thun amăng dêh čar ta ră anai. Ƀing khua mua ăt brơi thâo, kiăng pơđĭ kyar phun kyâo sui thun tui jơlan gah hơđong kjăp, kiăng ngă tui ha amăng plĕ hơdôm hơdră bruă. Mơng pơgiong bruă dưm dăp anih pla djop djuai kyâo tui jơlan gah ba sĭ mơdrô pơlir hăng pơkra pơjing hăng blơi pơhrui truh pơ bruă pơplih hơdră tuh pơ alin, pơplih mơng tuh pơ alin pok prong hơdai nao dơlăm, mă yua djop boh thâo ia rơgao-măi mok phrâo, sit biă ñu boh thâo wai lăng amăng đang kyâo.

Hơđong bruă sĭ mơdrô gơnam tam tui hơdôm hơdră lăp djơ̆. Kơtưn tơlơi gơgrong wai lăng mơng Kơnuk kơna, amăng anun akŏ phun lĕ pơhrua, pơgiong hơdră bruă, tơlơi phiăn kiăng pơplih amăng bruă djru pơkra pơjing hăng sĭ mơdrô pơ tač rơngiao kyâo pơtâo. Hơdôm tơlơi pơgôp hiăp amăng jơnum tal anai lĕ akŏ phun kiăng anom bruă dưm dăp hăng pơjing ngă hmua pơgiong hră lăi pơthâo Ding jum ngă hmua hăng pơđĭ kyar ƀon lan sem lăng mơ-it đĭ Kơnuk kơna ta.