Jơnum bơkơtuai yua Ding jum ngă hmua hăng pơđĭ kyar ƀon lan, Akŏ bruă “Pơhlôm mơnong ƀong huă yua kơ tơlơi pơđĭ kyar” (SAFEGRO) hăng anom pơtô bruă Ping gah gum hrŏm pơphun, hơmâo giăm 200 čô khua mua pơ ala brơi hơdôm anom bruă mơng gơnong glông, sa, dua boh tơring čar, ƀôn prong hăng ƀing rơgơi kơhnâo mơng tač rơngiao. Jơnum pioh mông pơčrông sai kơ bruă mă abih bang amăng pơtô pơblang, pôr pơhing, gru grua pơhlôm mơnong ƀong huă hơdjă mơng Việt Nam hăng jar kmar; hơdră pok pơhai bruă pơtô pơblang, pôr pơhing, gru grua pơhlôm mơnong ƀong huă hơdjă.

Đĭ pơhiăp amăng mông jơnum, ơi Bùi Ngọc Quý, Khua anom bruă mơnuih mơnam, anom pơtô bruă Ping gah dêh čar brơi thâo; jơnum amra pơgôp ngă kjăp tui amăng tơlơi pơmĭn, răng kơđiăng amăng bruă mă, pơplih tơlơi pơmĭn, pơjing gru grua pơhlôm mơnong ƀong huă hơdjă amăng bruă pơlir hơbit bơwih ƀong sĭ mơdrô, blơi yua gơnam tam. Akŏ bruă pơhlôm mơnong ƀong huă hơdjă yua kơ tơlơi pơđĭ kyar yua Kơnuk kơna Canada djru, hăng mrô prăk 15 klăk đôlar Canada.