Ƀơi mông jơnum, Khua ding jum bruă hmua hăng pơđĭ kyar ƀôn lan Lê Minh Hoan brơi thâo, bruă hmua, mơnuih ngă hmua, plơi pla hơmâo khua mua Ping gah, Kơnuk kơna Việt Nam pơsit jing “tơlơi gêh gal mơ̆ng dêh čar, gong tơmeh gơgrong ba tơlơi bơwih ƀong”.

Amăng anun pơkra braih pơdai jing bruă yôm phun, ƀu kơnong ngă hơđong braih apiăng đôč ôh mơ̆ ăt djru pơđĭ kyar bơwih ƀong huă mơ̆ng lŏn ia ta dong, pơdah pơƀuh tơlơi gơgrong bruă mơ̆ng Việt Nam amăng bruă pơhlôm hơđong gơnam ƀong huă, briah apiăng jar kmar. Kiăng pơphun ngă kơčăo bruă anai, Việt Nam kiăng iâu pơthưr abih bang anom bruă gum djru, pơplih măi mok, boh thâo ngă hmua, pơtruh hăng hơdôm anom bruă pơplih phrâo amăng dêh čar wơ̆t hăng jar kmar đah mơ̆ng pơtrut tui bruă mă yua boh thâo mrô pơđĭ kyar bruă ngă hmua rơgơi.