Kiăng pơđĭ kyar hơđong kjăp, Ding jum ngă hmua hăng pơđĭ kyar ƀon lan hơmâo tŭ yap akŏ bruă pơđĭ kyar pla phun kyâo boh troh truh thun 2025 hăng 2030. Amăng anun, gir run truh thun 2025 đơ đam dêh čar hơmâo 1,2 klăk ektar phun kyâo boh trohj, pĕ pơhrui 14 klăk tơ̆n. 30% đang hmua ngă tui hơnong pơkă pla pơjing klă hloh, rơnoh sĭ mơdrô pơ tač rơngiao 5 klai đôlar Mi. Jơnum hơmâo sem lăng, ba tơbiă hơdôm hơdră bruă , anăp nao bruă pơđĭ kyar boh sầu riêng hăng boh kruăi hrĕ pơ anăp nao pơlir hăng sĭ mơdrô amăng lŏn ia, amăng kual hăng jar kmar.

Hăng hơdôm boh anom bơwih ƀong sĭ mơdrô, anom bruă kơsem min, hăng hơdôm boh ƀon lan amăng kual Dơnung kiăng ngă tui pơlir kjăp phik kiăng pơđĭ kyar hơđong kjăp pla phun kyâo boh troh. Wai lăng klă pơjeh, anăm brơ mơnuih ngă hmua glêh tơnap. Anom bruă pla pơjing ăt pơhŭi bruă pla pơjing tañ, pĕ pơhrui lui hăng sit biă ñu boh sầu riêng amra bơbeč nao bruă pla pơjing tui akŏ bruă pơplih ngă hmua amăng ƀon lan. Đa hơmâo mơnuih ngă hmua koh hĭ phun pla sui thun anun lĕ kơphê, tiu… hơdai nao pla phun sầu riêng, boh kruăi hrĕ.