Hăng Hơdôm anô̆ gal gah anih anom, lŏn drŏn, ayuh hyiăng, kông ngăn glai klô lu mơta, lu djuai, Dap Kơdư hmâo pơđĭ kyar jing kual ngă đang hmua pơkra gơnam sĭ mơdrô prong mơ̆ng đơ đam dêh čar. Kơphê jing phun pla ba jơlan hlâo mơ̆ng kual hăng giăm truh 668.000 ektar. Anai ăt lĕ kual pla phun kơ su prong dŏng tal 2 tơdơi kơ Ngŏ Dơnung dêh čar hăng rơbêh kơ 250.000 ektar.

Hrŏm hăng anun, kual Dap Kơdư hmâo rơbêh kơ 4 klăk drơi hlô rông, 30 klăk drơi mơnŭ bĭp... Jơnum hmâo ba tơbiă bruă pơsir kiăng mă yua ba glăi bôh tơhnal hơdôm tơhnal gal, anô̆ dưi gah pơđĭ kyar bruă đang hmua mơ̆ng kual. Amăng anun, đing nao bruă pơsir pioh pơtlaih hơdôm tơlơi gun, anô̆ ngă tơnap pioh pơtrut kơtang tuh pơplai kơ bruă đang hmua, pok tơbiă jơlan pơđĭ kyar bruă đang hmua brơi kơ hơdôm bôh tơring čar kual Dap Kơdư amăng rơnuk phrâo, rơwang phrâo./.