Ƀơi mông jơnum, abih bang lêng kơ lăi: bruă prăp hlâo ia amăng djŏp tơlơi truh tơdah hơmâo yôm biă mă amăng bruă pơđĭ kyar bơwih ƀong huă - mơnuih mơnam tañ hăng hơđong kjăp. Ngă tui hơdôm tơlơi hơmâo prăp rơmet, pơsit brơi hơdôm tơlơi gơñăm kiăng ngă, kơčăo bruă hăng hơdră pok pơhai Prăp rơmet hlâo bruă pơgang tơlơi truh lŏn adai ngă hăng bơnư̆ kŏng ia thun 2021-2030, anăp nao truh pơ thun 2050, Kơ-iăng khua ding jum bruă hmua hăng pơđĭ kyar ƀôn lan ơi Nguyễn Hoàng Hiệp kiăng abih bang anom bruă amăng Ding jum ngă hrŏm hăng hơdôm ding jum, anom bruă, tơring čar pơtrut pôr pơhing, lăi pơthâo tơlơi yôm phun mơ̆ng bruă prăp rơmet pơkă hơnong anai hăng djŏp gưl, anom briă, mơnuih mơnam, kiăng hơmâo tơlơi djơ̆ hrŏm abih bang, gir ngă bruă, ngă bruă khut khăt, tŭ yua hloh.