Khua Jơnum min mơnuih ƀôn sang tơring čar Dak Lăk pơhiăp hăng mơnuih ngă hmua
Thứ sáu, 09:24, 17/11/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Mơguah lơ 16/11, khua mua Jơnum min mơnuih ƀôn sang tơring čar Dak Lăk pơhiăp tom giăm 350 čô khua amăng khul, mơnuih ngă hmua, pô pơ ala kơ rơbêh 194 rơbâo čô ding kơna amăng tơring čar ƀơi “Jơnum bơkơtuai kơplah wah khua mua Jơnum min mơnuih ƀôn sang tơring čar hăng mơnuih ngă hmua thun 2023”.
Hăng akŏ bruă “Pơđĭ tui anŏ klă gơnam mơ̆ng hmua, pơkra gơnam - sĭ mơdrô gơnam mơ̆ng hmua hơdjă, pơgang ba ayuh hyiăng lŏn adai”, khua mua tơring čar Dak Lăk hơmâo hmư̆ giăm 100 tơlơi tơña mơ̆ng mơnuih ngă hmua. Ƀơi mông bơbưp, khua mua tơring čar hơmâo lăi glăi 16 tơlơi tơña bơdjơ̆ nao đĭ kyar ngă hmua ƀơi tơring čar.
Anai jing thun tal 2, khua mua tơring čar Dak Lăk pơhiăp hăng mơnuih ngă hmua či pơhmư̆ tơlơi pơgôp hiăp laih anun sem lăng, pơsit, git gai hơdôm gơnong bruă, anom bruă hmao tlôn pơsir hĭ hơdôm tơlơi tơnap, tơlơi gun amăng bruă ngă hmua mơ̆ng tơring čar.
Viết bình luận