Tlam lơ 2/6, amăng hơdră Hrơi mơak khul đah kơmơi pơphun bruă mă tơring čar Dak Lak thun 2023, Khul đah kơmơi Việt Nam tơring čar Dak Lak jơnum bơkơtuai Bruă mă sĭ mơdrô rơnuk phrâo 4.0 kiăng pơtô brơi kơ ƀing đah kơmơi hrơi thâo amăng bruă mă hăng hơdôm hơdră pơsir ĕp bruă mă djru kơ đah kơmơi pơphun bruă mă kơ ƀing đah kơmơi, hơduah ĕp bruă sĭ mơdrô, pơblih tơlơi pơmin bruă mă sĭ mơdrô kiăng pơhưč tuai rơnguai amăng rơnuk ba yua boh thâo ia rơgơi 4.0; bruă mă pơphun sĭ mơdrô ƀơi Dak Lak ră anai-hơdôm tơlơi gêh găl hăng lông lăng mơ̆ bruă sĭ mơdrô amra bưp amăng bruă mă.

Hơdôm tơlơi pơhing ƀuh rơđah, jơnum anai pơblang brơi kơ ƀing adơi amai đah kơmơi thâo hluh tong ten tơlơi thâo amăng bruă mă hăng hơdră pơsir djơ̆ găl kiăng pơphun bruă mă, sĭ mơdrô; ba yua boh thâo ia rơgơi atur ngă tui ba yua mrô kiăng pơđĭ tui anŏ tŭ yua sĭ mơdrô, čih anăn sĭ mơdrô, hnong pơhno bruă sĭ mơdrô pơkra ming gơnam tam.