Tui tơlơi lăi pơthâo glăi mơ̆ng Ding jum kông ngăn glai klô hăng rơhuông adai lŏn mơnai, Hră čih pơkra Tơlơi phiăn lŏn drŏn hăng lŏn čuah pơplih pơkra tum djop hơdôm tơlơi pơmin mơ̆ng Ping gah, Kơnuk kơna kơ wai lăng kông ngăn glai klô hăng pơgang rơhuông adai lŏn mơnai, pơsit jơlan gah bruă lŏn drŏn, lŏn čuah hăng măi mok mă lŏn čuah truh thun 2030, tơhnal lăng nao truh thun 2045.

Klah čun bruă jơnum, Kơ-iăng Khua dêh čar ơi Trần Hồng Hà rơkâo: Amăng rơwang pơplih pơkra mơ̆ng rơwang bruă Tơlơi phiăn, lăi nao truh bruă pơkra, bơwih ƀong, sĭ mơdrô, pioh tơdơi kơ anun hmâo tơlơi pơkă rơđah bruă gơgrong mơ̆ng rim ding jum, gơnong bruă. Hăng tơlơi pơkă kơ pơhrui prăk gưl hmâo gong gai, Kơ-iăng Khua dêh čar ta jao kơ Ding jum kông ngăn glai klô hăng rơhuông adai lŏn mơnai gum hrŏm hăng Ding jum prăk kak ngă giong tơlơi pơkă tui jơlan gah dưi ngă, hmâo lok glăi nua mơ̆ng gơnam sĭ mơdrô ƀơi rŏng lŏn tơnah pioh hmâo gru than pơkă nua hyu mă lŏn čuah, bôh pơtâo, mơ̆ng anun pơhrui prăk gưl gong gai. Hăng hơdôm djuai lŏn čuah bôh pơtâo pha ra khom dưi wai lăng lĕ Gong gai dêh čar pơkă rơđah hơdôm tơlơi kiăng ngă./.