Kiăng pơhlôm djop ia pruih kơ đơ đam hmua pơdai mơ̆ng plơi prong Kon Tum ƀơi kual gah tơkai sang măi drai apui lơtrik Yaly, lu anom bruă kơnuk kơna mă yua 3 boh anih ƀôp ia pơkĕ hăng apui lơtrik ƀơi să Ngok Ƀai hăng să Vinh Quang hrơi mlam ƀôp ia krông Đak Ƀla pioh pruih kơ hmua pơdai thu ia. Hnong ƀôp lơ̆m sa mông sa boh măi năng ai 600 met khô̆i ia pling nao amăng hnoh bơnư̆ prong, pơpha hyu djop king hmua kiăng ba yua ia djơ̆ găl, ră anai abih anih ƀôp ia anai ăt mă bruă ƀôp ia djop pruih brơi kơ 400 hektar hmua pơdai ia bơyan phang truh kơ mông pơdai mơkiah hroh, lu biă mă ƀơi să Ngok Ƀai, Vinh Quang hăng să Đoàn Kết.

Hăng 2 boh anih ƀôp ia pơkŏn kah hăng Tà Rộp hăng Tà Wăk să Đak Năng, dơnao pơkong ia pioh ƀôp đĭ hrŏ trun kơtang đơi, anom bruă ăt hơmâo hơdră ngă tơdu ƀiă tơlơi kơƀah ia hŭi răm ƀăm hmua pơdai mơnuih ƀôn sang.