Mơguah lơ 16/8, gơnong bruă boh thâo ia rơgơi tơring čar Kon Tum pơphun jao tơlơi pơsit kơ bruă jao hră pơsit mă yua anŏ črâo ba anih pla “Ngọc Linh” brơi phun akha kyâo kơ 2 boh kông ti amăng tơring čar. Anai lĕ tal blung a tơring čar Kon Tum jao hră pơsit anai brơi hơdôm phun akhan kyâo sâm Ngọc Linh. Tui anun, kông ti pơčruh ngă sâm Ngọc Linh Kon Tum hơmâo hră pơsit mă yua anŏ črâo brơi anih pla sâm “Ngọc Linh” brơi 10.000 phun akha kâo rơbêh 10 thun.

Anih pla sâm Ngọc Linh mơng Kông ti anai ƀơi glông 3, kual 2, kual anet 220 gah să Măng Ri, tơring glông Tu Mơ Rông. Hăng kông ti pơčruh ngăn sâm Ngọc Linh Tu Mơ Rông Kon Tum, gơnong bruă boh thâo ia rơgơi tơring čar Kon Tum jao tơlơi pơsit mă yua anŏ črâo brơi anih pla sâm “Ngọc Linh” brơi 2.200 phun akha kyâo rơbêh 6 thun. Anih pla sâm Ngọc Linh ƀơi glông 17b, kual 5, kual anet 227, plơi Moza, să Ngọc Lây, tơring glông Tu Mơ Rông.