Truh ră anai đơ đam kual pla boh troh amăng tơring čar Kon Tum pok prong rơbêh 14.000 ektar, đĭ rơbêh 10.500 ektar pơhmu hăng thun 2020. Yua anun tơring čar Kon Tum dưi pok prong tañ ƀiă rơbêh ha thun hăng rơgao 4.000 ektar pơhmu hăng hơnong pơkă ba tơbiă truh thun 2025. Kiăng rĭm thun dưi pơđĭ kyar giăm 3.000 ektar đang pla phun kyâo boh troh, 3 thun rơgao, tơring čar Kon Tum pơtrut kơtang bruă črâo ba, gum djru hmao tlôn kơ pơjeh, prăk tuh pơ alin, boh thâo brơi mơnuih ngă hmua.

Hrŏm hăng anun ngă tui tŭ yua hơdră pơplih pơkra ƀơi hơdôm đang hmua pla pơjing, sit biă ñu ƀơi kual mơnuih djuai ania ƀiă. Truh ră anai tơring čar Kon Tum ăt hơmâo pơjing 25 mrô kual pla phun kyâo boh troh, amăng anun hơmâo 18 mrô kual pla sĭ mơdrô pơ tač rơngiao hăng 7 mrô sĭ amăng lŏn ia hăng đơ đam giăm 400 ektar phun kyâo boh troh.