Kiăo tui anun amăng bơyan tơbâo 2023-2024, tơring čar Kon Tum pok prong dong giăm truh 900 ektar đang tơbâo, prong tui lŏn pla tơbâo mơng tơring čar truh rơbêh kơ 2.100 ektar, lu hloh năng ai ñu 130 ektar bơhmu hăng tơhnal ba tơbiă. Lŏn pơhư amăng bơyan pơ̆ anăp lu ñu ƀơi tơring glông Kon Plông, Sa Thầy, Đăk Tô, Kon Braih, Đăk Hà hăng plơi prong Kon Tum.

Bơyan anai tơring čar Kon Tum hmâo rơbêh kơ 1.200 ektar đang tơbâo, lu ñu ƀơi plơi prong Kon Tum hăng giăm truh 1.000 ektar, lŏn pla dô̆ glăi lĕ ƀơi hơdôm tơring glông Đăk Tô, Sa Thầy, Kon Braih, Đăk Hà, Ia H’drai hăng Kon Plông. Ră anai kah hăng abih bang lŏn pla tơbâo mơ̆ng mơnuih ƀôn sang Kon Tum dưi hmâo Sang bruă pơkra sik Kon Tum pơkôl pơlir hơbit blơi tơbâo, djru prăk pla hăng hră pơgang nua pơhrui blơi pơhlôm kơ mơnuih ƀôn sang hmâo kơmlai. Mrô tơbâo hơnong ñu mơ̆ng tơring čar Kon Tum ră anai hmâo năng ai ñu 73 tơn sa ektar hăng lu kual gơnang kơ lŏn hiam, bơwih brơi djơ̆ hơdră mrô tơbâo hmâo mơng 100 – 120 tơn sa ektar./.