Nao hrăm hơmâo hơdôm rơtuh čô mơnuih djuai ania Sêdang ƀơi hơdôm boh să anun lĕ Ngọc Lây, Măng Ri… tơring glông Tu Mơ Rông; Mường Hoong, Ngọc Linh tơring glông Đăk Glei, ƀing gơñu arăng amra pơtô brơi bruă pla anah, wai lăng hăng pơhrui phun Sâm Ngọc Linh. Pô rơgơi kơhnâo pla pơjing Nguyễn Tài Lương, gah anom bruă wai lăng phun pla tơring čar Kon Tum brơi thâo, hrŏm hăng bruă pla pơjing, mơnuih ƀon sang ăt glăk thâo hluh rơđah dong amăng bruă pơgang hlăt mŏt pơčrăm kiăng phun Sâm Ngọc Linh bluh đĭ hiam.

Amăng hơdôm thun laih rơgao bruă pla phun Sâm Ngọc Linh djru brơi lu sang anŏ djuai ania Sêdang ƀơi 2 boh tơring glông Tu Mơ Rông, Đăk Glei tơring čar Kon Tum pơklaih mơng ƀun rin hăng hrưn đĭ pơdrong asah. Truh ră anai tơring čar Kon Tum hơmâo pơđĭ kyar rơbêh 1.700 ektar pla Sâm Ngọc Linh.