Khă hnun yua aka ƀu ngă djop hră pơsit boh thâo ia rơgơi phrâo, ră anai tơring čar hlăk sư̆ rơbư̆ hăng khul măi pơkă anai. Truh tơdơi kơ 5 blan blơi ba glăi măi anai, lăi glăi amăng mông jơnum ƀing pơ ala mơnuih ƀôn sang tơring čar Kon Tum lok 5 tal XII phrâo anai, ơi Bùi Thanh Bình, Khua Gơnong bruă Boh thâo ia rơgơi tơring čar Kon Tum brơi thâo, bruă mă yua măi phrâo anai mơ̆ng hrơi aka ƀu hơmâo măi, gơnong bruă hơmâo mơ-it nao 4 čô mơnuih apăn bruă nao hrăm hăng ƀing anai yơh či thâo ba yua măi mok phrâo.

Samơ̆ hơmâo hĭ sa tơlơi phrâo lĕ, phrâo blơi glăi aka ƀu thâo tum teč ôh. Kơčăo bruă blơi 2 boh măi pơkă lăng sâm Ngọc Linh yua Gơnong bruă Boh thâo ia rơgơi tơring čar Kon Tum pô blơi hăng djuai măi thâo pơkă lăng DNA hăng sem lăng hnong ia čơđeh klă hiam mơnong hơdip Saponin hơmâo amăng hơbơi sâm, rơnoh prăk blơi măi anai 12 klai prăk, amăng anun rơnoh prăk blơi kơnong kơ măi đôč lĕ abih 8 klai 300 klăk prăk.