Lu mơta gơnam mơ̆ng hmua, braih, boh troh gêh gal mơn yua hơmâo pok bah amăng sĭ mơdrô laih anun nua pơmă mơn či pơtrut hloh bruă sĭ gơnam hăng dêh čar tač rơngiao, yua hnun rơnoh đĭ kyar lu hloh amăng hơdôm mơta gơnam (đĭ 3,1%). Hơdôm mơta gơnam mơ̆ng hmua hơmâo lu tơlơi gum pơgôp prong kơ bruă sĭ gơnam kơ tač rơngiao 9 blan thun 2023, biă ñu lĕ hơdôm mơta gơnam mơng hmua kah hăng: braih, añăm pơtăm boh troh, kơphê, boh ñông...

Amăng 9 blan thun 2023, prăk sĭ mơdrô gơnam mơ̆ng hmua, akan hơdang đĭ 3,1%, him hăng hơmâo 23,8 klai dolar, amăng anun ba sĭ braih hăng čar rơngiao hơmâo 3,66 klai dolar, đĭ 40,4% pơhmu hăng tơđar thun hlâo laih anun rơgao hơnoh pơkă gơnam ba sĭ hăng čar rơngiao amăng thun 2022, kơphê hơmâo rơbêh 3 klai 100 klăk dolar Mi, đĭ 1,9% pơhmu hăng tơđar thun 2022.