Mơnuih ngă hmua tơring čar Gia Lai glăk yak nao bơyan pĕ pơhrui sầu riêng thun 2024. Đơ đam tơring čar hơmâo giăm 6.000 ektar đang pla sầu riêng, amăng anun đang hmua dưi pĕ pơhrui giăm ha krah, lu hloh ƀơi tơring glông Chư Prông, Ia Grai, Đăk Đoa, Chư Sê hăng Chư Pưh. Tơring čar hơmâo pơjing 16 mrô kual pla sầu riêng hăng glăk pơjing boh sầu riêng jing gơnam đang hmua yôm. mah găn rơgao hrơi blan không phang, samơ̆ yua tuh pơ alin lăp djơ̆ hăng đing nao boh thâo phrâo, mơnuih ngă hmua ƀơi tơring čar anai ăt pơhlôm brơi đang hmua pla sầu riêng mơboh.

Yă Nguyễn Thị Lý, sa čô mơnuih blơi pơhrui sầu riêng ƀơi tơring glông Chư Pưh, tơring čar Gia Lai brơi thâo, thun anai sầu riêng ƀơi Gia Lai mơboh hiam biă mă yua anun hơmâo lu mơnuih nao hlơi. Nua sầu riêng Ri6 mơng 55.000-60.000 prăk sa kĭ, bơ sầu riêng Dona mơng 65.000-70.000 prăk sa kĭ.