Ră anai đơ đam dêh čar hơmâo rơbêh 46.000 ha đang makka, lu biă mă ñu pla ƀơi kual Dap Kơdư hăng kual Kơdư yŭ dêh čar, him lăng thun 2025 boh makka pĕ pơhrui hơmâo 20.000 tơn boh mơtah. Thun 2024, đơ đam dêh čar sĭ mơdrô năng ai 600 tơn asar boh makka krô samơ̆ khom blơi pơmut 3.500 truh 4000 tơn asar boh makka krô pioh pơkra ming mơnong ƀong mơ̆ng boh makka amăng dêh čar.

Dŏ lu tơlơi aka ƀu găl amăng bruă pla hăng pok pơhai anih pla hơmâo pơčrong sai amăng mông jơnum. Ơi Lê Quốc Thanh, Khua sang bruă pơsur ngă hmua dêh čar lăi, anai lĕ tơlơi lông lăng prong kiăng pơsir tañ, boh nik ñu khom akŏ pơjing glông bruă ngă hrŏm pla pơjing hăng sĭ mơdrô gơnam sĭ mơdrô hơmâo pơkra ming mơ̆ng boh makka.