Ƀơi mông jơnum bơkơtuai lu khua mua, ƀing rơgơi kơhnâo, mơnuih kơhnăk amăng bruă mă hơmâo kah pơpha nao rai tơlơi thâo thăi, tơlơi tom găn rơgao kah hăng: Pơđĭ tui tơlơi thâo hluh hăng pơblih tơlơi pơmin phrâo, lăng nao anŏ yôm mơ̆ng bruă pơblih yua mrô kơ anom bruă bơwih ƀong sĭ mơdrô blơi gơnam boh troh mơ̆ng đang hmua; Bruă hlăk ngă blơi gơnam đang hmua, hơdră pơsir hơdôm tơlơi dŏ kơƀah amăng bruă ba yua mrô lơ̆m bruă ngă hmua pla pơjing ƀơi Gia Lai; akŏ pơjing bruă sĭ mơdrô offline hăng online blơi gơnam OCOP hăng boh troh đang hmua hơdjă mơtah mơda mơ̆ng kual Dap Kơdư; găn rơgao thâo thăi ba yua ia rơgơi phrâo pơtruh nao rai ƀơi 5 boh tơring čar kual Dap Kơdư, djru kơ bruă sĭ mơdrô gơnam đang hmua ba nao pơ dêh čar tač rơngiao hăng jar kmar.

Nai prin tha, Phùng Thị Kim Huệ Khua Khul wai lăng anom kơsem min tơlơi suaih pral hăng pơđĭ kyar pơtô hrăm kual Dap Kơdư lăi lĕ, bruă ba yua boh thâo ia rơgơi mrô amăng bruă ngă hmua pla pơjing amra jing bruă khom ngă pơ anăp adih. Lơ̆m anun anih sĭ mơdrô blơi gơnam đang hmua djop tơring čar kual Dap Kơdư amra amuñ hloh.